logo gan Tom Frost
28 Awst – 30 Medi 2021
I ddathlu 30 mlynedd o Oriel Oriel Myrddin, rydym wedi gwahodd pobl greadigol o Sir Gaerfyrddin, Ceredigion a Sir Benfro, i gyflwyno gwaith ar gyfer ein Arddangosfa AGORED.
Gan arddangos ystod amrywiol o waith gan dalent leol, sefydledig ac sy'n dod i'r amlwg, yr AGORED yw ein ffordd o gynnig diolch a rhoi yn ôl i'n cymuned fendigedig sydd wedi ein cefnogi dros y 30 mlynedd diwethaf. Mae'r rhan fwyaf o'r gweithiau celf ar werth, mae hwn yn gyfle gwych i brynu gwaith gan seren sy'n codi ac i gefnogi artist annibynnol.
Ein panel dethol yw Julia Griffiths Jones, Robyn Tomos a Neil Confrey.
Mae Julia Griffiths Jones yn artist–wneuthurwr arobryn, a astudiodd yn y Coleg Celf Brenhinol ac sydd fwyaf adnabyddus am ei darluniau o decstilau y mae’n eu troi’n waith gwifren ddur ac enamel. Prynwyd ei gwaith yn ddiweddar gan Adran Gwaith Metel Amgueddfa Victoria ac Albert ac Amgueddfa Werin Cymru, Sain Ffagan.
Robyn Tomos oedd Swyddog Celfyddydau Gweledol yr Eisteddfod Genedlaethol tan yn ddiweddar. Yn rhinwedd y swydd honno roedd yn hwyluso Arddangosfa Agored flynyddol y Brifwyl ynghyd â threfnu arddangosfeydd arbennig, digwyddiadau a gweithgareddau. Mae’n artist ac yn aelod gweithredol o Grŵp Celfyddydau Gweledol Cymru. Yn ddiweddar sefydlodd Robyn gyfrifon trydar Newyddion Celf a Celf News er mwyn cynnig golwg annibynnol ar y celfyddydau gweledol yng Nghymru a thu hwnt.
Mae Neil Confrey yn gyfreithiwr cyfraith iechyd meddwl. Mae ei gwmni wedi comisiynu celf ers 1996 i’w ddefnyddio’n ddelwedd ar gerdyn Nadolig y cwmni i gleientiaid. Mae Neil yn un o ymddiriedolwyr Oriel Myrddin, yn gyfarwyddwr Butetown Artists/BayArt, Caerdydd, ac mae wedi cynnal oriel deithiol, achlysurol Oriel Ci Melyn gan drefnu arddangosfeydd mewn lleoliadau gwahanol ers 2001. Roedd yn aelod o bwyllgor gwaith Cymdeithas Celfyddyd Gyfoes Cymru (CASW) ac yn brynwr celf ar gyfer CASW yn 2005/6. Comisiynodd bortffolio o brintiau ar gyfer CASW i gefnogi blwyddyn yr artist 2001.
Hoffai Oriel Oriel Myrddin ddiolch i Julia, Robyn a Neil a phawb a gyflwynodd waith p'un a gawsant eu dewis ai peidio.