Fel rhan o Ŵyl y Gwanwyn Age Cymru, cynhaliodd Oriel Myrddin sesiwn gelf yn yr awyr agored i archwilio cysylltiadau â natur. Daeth pum tenant o’r cynllun gofal ychwanegol, Cartref Cynnes, yn Nhre Ioan, yn ogystal â Pam, un o wirfoddolwyr Oriel Myrddin, a Heather Birnie sy’n ffotograffydd, i ymuno â’r ein Cyd-drefnydd Celf Gymunedol, Emily Laurens am sesiwn adfyfyriol ar ddarn o dir gwyllt.

Mae’r prosiect wedi’i ariannu gan Gwanwyn ac mae wedi’i ysbrydoli gan arddangosfa Oriel Myrddin o’r enw Forest + Found: Cerdded y Lein. Mae dau artist Forest + Found yn cael eu hysbrydoli gan eu perthynas â’r tir, gan droedio’r llinell rhwng celf a chrefft. Mae Cerdded y Lein yn cael ei arddangos yn Oriel Myrddin tan 6 Gorffennaf. Mae Gwanwyn yn darparu ffyrdd i bobl hŷn gymryd rhan yn y celfyddydau a’r gweithgareddau creadigol yn ystod mis Mai. Mae’n dathlu’r cyfleoedd sydd ar gael i bobl hŷn, ac yn hyrwyddo’r manteision yn sgil archwilio creadigrwydd, datblygu llais critigol a chymryd rhan lawn ym mywyd artistig a diwylliannol cymunedau lleol ledled Cymru.

Emily:

“Ar y darn o dir gwyllt rhwng Cartref Cynnes ac Ysgol Uwchradd y Frenhines Elisabeth, mae yna bwll sydd â llwybr a choed prydferth aeddfed o’i amgylch. Mae yno digonedd o ddail tafol, danadl a blodau menyn ac mae’r cloddiau’n llawn blodau mis Mai a dail newydd. Does dim llawer o ddŵr yn y pwll ond mae llafrwyn pigog yn ymwthio mas o’r mwd. Roedd y tywydd yn berffaith – yn heulog ond heb fod yn rhy dwym, ac roedd awel fach. Safon ni wrth ochr y llwybr er mwyn i’r cyfranogwyr allu ymestyn i lawr a chasglu gweiriau a blodau.

O un i un, daeth y cyfranogwyr i’r llecyn, yn ansicr am beth fyddai angen iddynt ei wneud, ond yn agored ac yn fodlon i roi cynnig ar rywbeth newydd ac anghyfarwydd. Roedd rhai cwynion – nid oedd un o’r cyfranogwyr yn hapus i fod yn yr awyr agored, gan ddweud “Byddai hyn llawer gwell yn yr ystafell grefftau” ac roedd llawer o bobl yn dweud “Alla i ddim tynnu llun” “Alla i ddim gwneud celf”.

Ar ôl cyflwyniadau byr, aethon ni ati i ddechrau ar y gweithgaredd cyntaf. Gyda grwpiau sy’n teimlo’n ansicr a braidd yn bryderus, credaf ei bod hi’n well gwneud gweithgaredd cyn gynted â phosibl. Roedd y sesiwn gyfan yn seiliedig ar archwilio byd natur drwy’r synhwyrau ac i ddechrau roeddwn eisiau canolbwyntio ar sŵn. Roedd hyn yn hynod o werthfawr i un cyfranogwr oedd yn rhannol ddall. Pan ddywedais y byddwn yn darlunio gyda’n llygaid ar gau, chwarddodd gan ddweud “Rwy’n meddwl galla i wneud hynny!”

Felly gyda’n llygaid ar gau ac mewn tawelwch, gwnaethom ddarlunio’r synau o’n hamgylch. Caneuon yr adar duon, y gwynt yn chwythu drwy’r coed, a’r plant yn cael hwyl ac yn gweiddi ym maes chwarae’r ysgol. Gwnaeth y cyfranogwyr ddefnyddio clipfyrddau a ffyn graffit sy’n gallu cael eu defnyddio ar unrhyw ongl a gwneud marciau ar bob ochr iddynt. Roedd y canlyniadau’n haniaethol ac yn ddiddorol a dechreuodd sgwrs ynghylch sŵn: y gwahaniaeth rhwng synau a wneir gan bobl a’r synau naturiol – rhannwyd straeon a gwnaeth pawb chwerthin wrth sôn am y lorïau bin y gellir eu clywed am 4am ynghyd â chôr y bore bach; am y ffordd y mae’r synau o’n hamgylch yn dueddol o godi a gostegu, hyd yn oed eiliadau o ddistawrwydd, ar ôl i chi ddechrau sylwi.

Ar ôl sŵn, gwnaethom ganolbwyntio ar y synhwyrau gweledol, gan fod yn ymwybodol bob amser o alluoedd amrywiol y cyfranogwyr. Mae’n hawdd gorlwytho’r synhwyrau ym myd natur, gan fod cynifer o bethau i edrych arnynt a chymaint o fanylder. Er mwyn ystyried hyn, edrychom drwy ffenestri, gan roi lluniau mewn fframiau a thynnu lluniau â llygad ein meddwl – golygfeydd yn y pellter, lluniau agos, a phatrymau. Er bod y gweithgaredd hwn yn syml iawn gwnaeth y cyfranogwyr ei fwynhau’n fawr, gan fanteisio i’r eithaf ar y cyfle i edrych yn fanwl a gwireddu grym fframio llun. Wedyn gwnaethom ddathlu’r gwyrddni o’n hamgylch, drwy gasglu dail, eu torri a’u glynu wrth dâp dwyochrog i gymharu’r lliwiau, gweld graddiannau ymysg y gwyrddion o dywyll i olau. Roedd hwn yn ymarfer a oedd yn edrych yn fanwl ac yn sylwi ar y pethau y mae ein llygaid yn eu hanwybyddu fel arfer.

Wrth i ni symud ymlaen i’r synhwyrau yr ydym yn eu defnyddio’n llai aml ar lefel ymwybodol – arogli a chyffwrdd – newidiodd yr awyrgylch. Ymlaciodd y cyfranogwyr, gan rannu straeon personol o’u perthynas â byd natur, a chael atgofion wrth arogli pethau a chyffwrdd â nhw. Roedd yna ymdeimlad o ymgolli’n llwyr a chanolbwyntio ac roedd y cyfranogwyr fel pe baent yn llai ymwybodol o Heather a’i chamera.

Yn ystod gweithgaredd arall â llygaid ar gau, gwnaeth Pam a finnau ddosbarthu pethau o fyd natur – rhosyn o’m gardd, cerrig o’r traeth, cregyn. Gwnaeth y cyfranogwyr gydio yn y pethau a’u teimlo, gan ddweud y geiriau a oedd yn dod i’w meddwl. Cydiodd Gwynedd mewn pluen a dywedodd “Cyfeiriad, mae cyfeiriad yn hollbwysig i’r peth hwn”. Dywedodd Margaret, wrth gyffwrdd â’r gragen las, “cwch fferi, ddim yn berffaith, odrwydd”. Roedd Audrey wedi bod yn amharod iawn ar ddechrau’r sesiwn, ond wrth iddi roi’r rhosyn ar ei hwyneb, gan deimlo’r petalau ar eu bochau, dywedodd “Croen baban, croen baban newydd-anedig”. Wedyn, soniodd wrthym am ei gyrfa hir fel bydwraig a chymaint yr oedd hi’n dwlu ar afael yn y babanod newydd.

Roedd arogl a blas y garlleg gwyllt yn gwneud i Audrey rannu straeon am ei mam-gu, a oedd yn dwlu ar fyd natur ac a fyddai’n mynd â hi am deithiau cerdded drwy ddolydd ac yn dysgu enwau’r blodau gwyllt iddi a’r ffyrdd o chwilio am fwydydd gwyllt a’u coginio. Wrth gyffwrdd â charreg fach lefn, soniodd Charlie wrthym am ei blentyndod yng Nglanyffferi, y coedwigoedd a’r traethau. Roedd yn cadw gwiber yn y tŷ am gyfnod, a roddodd sioc i’w fam a ddaeth o hyd iddi yn ei ystafell wely!

Ar ddiwedd y sesiwn, gwnaethom fwynhau’r awel, a gwylio petalau a hadau’n chwythu yn y gwynt. Ysgydwodd Gwynedd betalau blodau mis Mai, a arhosodd yn ei gwallt fel conffeti, a thaflodd Audrey ei phetalau rhosod mewn eiliad o lawenydd.”

Bydd arddangosfa o rai o’r lluniau o’r sesiwn gan Heather Birnie ar gael i’w gweld yn The Warren, Heol Mansel, Caerfyrddin, tan 23 Mehefin.

Dydd Iau 4 Gorffennaf 2019 6 – 7:30pm

I gyd-fynd â’n harddangosfa, Forest + Found: Walking the Line, yn Oriel Myrddin, rydym yn falch bod yr artistiaid Max Bainbridge ac Abigail Booth wedi dewis llyfr yn arbennig ar gyfer ein Clwb Llyfrau.

Oddi wrth yr awdur llwyddiannus a gyhoeddodd y llyfrau Autumn a Winter, yn ogystal â’r gyfrol How to be both a enillodd wobr, daw’r cyhoeddiad nesaf yn y gyfres ryfeddol Seasonal Quartet.

Beth sy’n gyffredin rhwng Katherine Mansfield, Charlie Chaplin, Shakespeare, Rilke, Beethoven, Brexit, y presennol, y gorffennol, y gogledd, y de, y dwyrain, y gorllewin, dyn sy’n galaru dros amser sydd wedi mynd, menyw sy’n gaeth mewn oes fodern?

Y Gwanwyn. Yr hyn sy’n cysylltu popeth.

Gobeithio am yfory gwell.

‘Autumn’, ‘Winter’ and  ”Spring’ are state of the nation novels which understand that the nation is you, is me, is all of us’  New Statesman

 

‘Her best book yet, a dazzling hymn to hope, uniting the past and the present with a chorus of voices’  The Observer

 

Ymunwch â ni am drafodaeth anffurfiol a chyfeillgar yng nghwmni Kirsten Hinks-Knight.

Darperir te a chacen am ddim ac mae croeso i bawb.

Nan Shepherd: The Living Mountain

Dydd Iau 2 Mai 2019 6 – 7:30pm

I gyd-fynd â’n harddangosfa, Sometimes all you can do is walk, yn Oriel Myrddin, rydym yn falch bod yr artist Angela Maddock wedi dewis llyfr yn arbennig ar gyfer ein Clwb Llyfrau.

Cafodd The Living Mountain gan Nan Shepherd ei ysgrifennu yn ystod y 1940au ond ni chafodd ei gyhoeddi am fwy na 30 mlynedd, ac mae wedi’i ddisgrifio’n ‘gampwaith o ysgrifennu am fyd natur’.

Mae’r llyfr yn disgrifio teithiau’r awdur i Fynyddoedd Cairngorm yn yr Alban ac yn manylu ar fyd o harddwch a gerwindeb, gan gofnodi’r dirwedd ffisegol a’r creaduriaid y mae’n dod ar eu traws yn ei rhyddiaith farddonol ddwys.

Ymunwch â ni ar gyfer trafodaeth anffurfiol a chyfeillgar yng nghwmni Kirsten Hinks-Knight.

“Y llyfr gorau a ysgrifennwyd erioed am natur a thirwedd ym Mhrydain.” The Guardian

“Mae’r rhan fwyaf o weithiau llenyddol am fynyddoedd wedi’u hysgrifennu gan ddynion, ac mae’r mwyafrif ohonynt yn canolbwyntio ar y nod, sef y copa. Mae archwiliad diamcan a chwantus Nan Shepherd o Fynyddoedd Cairngorm yn wahanol ac yn ffres.” Robert Macfarlane

 

Darperir te a chacen am ddim ac mae croeso i bawb.

Armitage, S (2013) Walking Home (London: Faber & Faber)

Gros, F (2014) A Philosophy of Walking (London: Verso)

Herzog, W (2014) Of Walking in Ice (London: Vintage)

Hunter, C (2019) Threads of Life (London: Sceptre)

Jamie, K (2012) Sightlines (London: Sort of Books)

Macfarlane, R (2013) The Old Ways (London: Penguin)

Morrison Bell, C et al (2013) Walk On: from Richard Long to Janet Cardiff – 40 Years of Art Walking (Sunderland: Art Editions North)

Shepherd, N (2011 [1977]) The Living Mountain (London: Canongate)

Solnit, R (2006) A Field Guide to Getting Lost (Edinburgh: Canongate)

Solnit, R (2002) Wanderlust: A History of Walking (London: Verso)

Solnit, R (2013) The Faraway Nearby (London: Granta)

Thoreau, H D (2017) Walking (Los Angeles, CA: Enhanced Media Publishing)

Iain Sinclair (2006) Edge of the Orison: In the Traces of John Clare’s ‘Journey Out of Essex (London: Penguin)

 Digwyddiad Arbennig Dydd Sul!

Dilyn ôl ei thraed

Dydd Sul, 31 Mawrth 2019, 11am – 1pm

Ymunwch â ni ar Sul y Mamau am basteiod a choffi bore Sul gyda’r artist, Angela Maddock a’i merch, Ruby Maddock (Cynorthwyydd Ysgolion sy’n Dysgu Tate, awdur ac artist) ar gyfer digwyddiad anghonfensiynol ‘In Conversation’ i agor ein harddangosfa newydd:

 

Angela Maddock: Sometimes all you can do is walk

31 Mawrth – 11 Mai 2019

 

Ar 6 Hydref 2018, dechreuodd Angela gerdded o Gaerfyrddin i Middlesbrough. Dilynodd Ruby thaith ei mam o bell. Yn y digwyddiad ‘In Conversation’ hwn, maent yn ein gwahodd ni i ymuno â nhw wrth iddynt edrych ar dystiolaeth siwrnai epig – ei hanesion, ei heriau, y dystiolaeth a gasglwyd, a ddychwelwyd ac a drawsnewidiwyd a’r hyn a allai ei olygu i ‘ddilyn ôl ei thraed’.

Digwyddiad am ddim, does dim angen archebu, mae croeso i bawb (mamau a merched yn ddewisol!)

Roedd chwech o bobl greadigol ac artistiaid gwahanol iawn wedi cael eu dewis i dreulio un diwrnod yr un yn Oriel Myrddin er mwyn ystyried ac ymateb i syniadau ac estheteg ein harddangosfa Prosiect Adeiladu.

Amanda Blake – Dydd Sadwrn 2 Chwefror
David Jones – Dydd Sadwrn 9 Chwefror
Millie Marotta – Dydd Sadwrn 16 Chwefor
Tim Stokes – Dydd Sadwrn 23 Chwefror
Ivan Black – Dydd Mercher 6 Mawrth
Niall Maxwell (Rural Office for Architecture) – Dydd Llun 11 Mawrth

 

Ein harddangosfa nesaf yn Oriel Myrddin yw Angela Maddock: Sometimes all you can do is walk; ar gyfer Diwrnod Rhyngwladol y Menywod, gofynnom i Angela ddweud wrthym am rai o’r menywod yn y celfyddydau sy’n ei hysbrydoli hi.

“Mae gennyf ddiddordeb mawr mewn mynegi empathi, gofal, tosturi a galluogi. Gweithio a meddwl drwy arferion a phrosesau tecstilau. Gweithio i ddod â’r distawrwydd, yr iaith gudd sy’n gysylltiedig ag ymarfer tecstilau, i amlygrwydd… ac ymchwilio i’r pleser sy’n perthyn i wneud a gwisgo tecstilau a’i arferion.

O, mae cynifer o fenywod ym myd y celfyddydau i gymryd ysbrydoliaeth ohonynt! Heb betruso rwy’n cynnwys yn y rhestr hon Judith Scott, Louise Bourgeois, Annette Messager, Erin Riley, ac Annie Mae Young a menywod Gee’s Bend.

Mae gan bob un synnwyr anhygoel o’r hyn sy’n ein clymu ac ystyr ‘stwff meddal’ a’r hyn y gallent fod. Gwelaf eu gwaith ac rwy’n teimlo uwchben fy nigon, wedi fy mrawychu, yn ofidus ac wedi fy ysbrydoli ar yr un pryd. Mae hynny mor dda. Maent oll yn gwneud imi eisiau gwneud, dyna sy’n allweddol. Dylech adael gwaith rhywun yn teimlo eich bod eisiau mynd ati i wneud rhywbeth eich hun. Ac mae cwiltiau Gee’s bend yn rhai gwirioneddol hardd wedi’u gwneud o’r hyn sydd wedi’i daflu’n aml. Trawiadol yn wir.

Byddwn hefyd yn cynnwys llawer o fenywod ‘tu ôl i’r llenni’, rhai sydd â gweledigaeth benodol nad ydynt o reidrwydd yn enwog ac sy’n gwneud cymaint i newid pethau, datblygu eraill. Yn rhy aml cânt eu hanghofio – athrawon gwych, hwyluswyr, gweinyddwyr. Byddwn yn cynnwys fy ffrind Kate Dunton, sy’n gweithio yn yr Athrofa Ddiwylliannol yn King’s, yn eu mysg, a’m merch sy’n fy atgoffa mor aml nad oes yn rhaid i fentora da ddod gan y rheiny ymhellach i lawr y ffordd. Hoffwn i fod fel yr holl fenywod hyn, tipyn o gamp!”

 

Dr Angela Maddock, Darlithydd annibynnol, arlunydd/gwneuthurwr, sydd ar hyn o bryd yn gweithio fel ‘Gwneuthurwr Preswyl’ gyda Chyfadran Nyrsio, Bydwreigiaeth a Gofal Lliniarol Florence Nightingale yng Ngholeg King’s, Llundain. Cymrawd Ymchwil Anrhydeddus yng Ngholeg Celf Abertawe.

_______________________________________________________________________________________________________________________________________________________________________________________________________________________

Angela Maddock: Sometimes all you can do is walk

30 Mawrth – 11 Mai 2019

 

Digwyddiad agoriad: Dydd Sadwrn 31 Mawrth 2019 11am – 1pm

Dilyn ôl ei Thraed

Ar 6 Hydref 2018, dechreuodd Angela gerdded o Gaerfyrddin i Middlesbrough. Dilynodd Ruby thaith ei mam o bell. Yn y digwyddiad ‘In Conversation’ hwn, maent yn ein gwahodd ni i ymuno â nhw wrth iddynt edrych ar dystiolaeth siwrnai epig – ei hanesion, ei heriau, y dystiolaeth a gasglwyd, a ddychwelwyd ac a drawsnewidiwyd a’r hyn a allai ei olygu i ‘ddilyn ôl ei thraed’.

Ymunwch â ni ar Sul y Mamau am basteiod a choffi bore Sul gyda’r artist, Angela Maddock a’i merch, Ruby Maddock (Cynorthwyydd Ysgolion sy’n Dysgu Tate, awdur ac artist) ar gyfer digwyddiad anghonfensiynol ‘In Conversation’ i agor ein harddangosfa newydd.

 

Digwyddiad am ddim, nid oes angen i archebu eich lle, croeso i bawb (mamau a merched yn ddewisol!)

 

 

 

 

 

 

Wythnos o osodiadau fideo a sain cydweithredol yn rhan o’r Prosiect Adeiladu yn Oriel Myrddin.

Ar gyfer finale’r Prosiect Adeiladu bydd Freshwest yn ymateb i’w osodiad ei hun yn ystod wythnos gyffrous o osodiadau sain a fideos byr. Gan ddechrau ddydd Gwener 15 Mawrth, bydd y Prosiect Adeiladu yn atseinio wrth i’r gwahanol seinweddau a ffilmiau byr darddu o’r tu mewn i’r tai plastr sydd wedi’u gosod ledled yr arddangosfa.

Mae Freshwest ac Oriel Myrddin hefyd yn awyddus i wahodd aelodau o’r cyhoeddi ddod yn rhan o’r arddangosfa hon drwy roi cyfle i chi i wneud a chyflwyno eich ‘ffilm fer’ eich hun’.

 

A oes diddordeb gennych? Gwyliwch y ffilm fer hon am ysbrydoliaeth a darllenwch isod……

 

Beth fydd yn digwydd?

Bydd Freshwest yn gosod sgriniau bach yn nifer o’r tai plastr yma ac acw yn y gosodiad. Bydd y tai plastr hyn yn arddangos ffilmiau byr a seinweddau gan Freshwest, myfyrwyr o Ysgol Gelf Caerfyrddin a CHI – y cyhoedd.

Dychmygwch!

Pan fydd ymwelwyr yn cerdded i mewn i Oriel Myrddin byddant yn clywed sain yn deillio o’r tai plastr. Wrth gerdded o amgylch y gosodiad byddant yn edrych i mewn drwy’r drysau a’r ffenestri i gael cipolwg ar y bydoedd bach y tu mewn. Pa olygfa y byddech chi’n ei chreu?

Y Brîff

Creu ffilm/golygfa heb fod yn hirach na 1 munud. Gallai fod mor syml â ffilm ohonoch chi’n coginio pryd o fwyd yn eich cegin neu’ch ci yn cyfarth ar y postmon; neu mor gymhleth â ffilm gyffrous fach y tu ôl i ddrysau caeedig neu ffilm haniaethol megis atgof o ystafell.

 Manylion penodol

  • Nid oes angen i chi fod yn wneuthurwr ffilm i gymryd rhan.
  • Er mwyn gwneud pethau’n haws, rydym yn hapus i chi ddefnyddio’ch ffôn i ffilmio.
  • Rydym yn annog sain, ond nid yw’n hanfodol, ond cofiwch dim cerddoriaeth!
  • Dylech ffilmio eich ffilm ar fformat tirlun (gyda’ch ffôn ar ei ochr).
  • Cofiwch gadw eich ffôn mor llonydd â phosibl a defnyddiwch stand drithroed os oes un gennych.
  • Mae’n rhaid i chi gael caniatâd unrhyw un sy’n ymddangos yn eich ffilm.
  • Ni ddylech gynnwys unrhyw ddelweddau na sain nad oes gennych ganiatâd i’w defnyddio.
  • Mae’n rhaid i’ch ffilm fod yn addas ar gyfer cynulleidfa deuluol.
  • Os nad ydych yn defnyddio eich ffôn i greu’r ffilm, cadwch y ffeil ar fformat MP4
  • Gallwch greu cylch ffilm o hyd at 1 munud, neu gallwn wneud hyn ar eich rhan.
  • Gallwch lwytho eich ffilm drwy glicio ar y ddolen  hon.
  • Os oes gennych unrhyw gwestiynau neu os oes arnoch angen unrhyw gymorth technegol, cysylltwch â marcus@freshwest.co.uk
  • Mae Freshwest ac Oriel Myrddin yn cadw’r hawl i beidio â dangos ffilmiau anaddas.
  • Peidiwch ag anfon eich ffilm hyd nes y byddwch wedi darllen y cytundeb hwn: Rwy’n cytuno bod gennyf ganiatâd llawn i ddangos y ffilm fer a gyflwynwyd ar gyfer y gosodiad ‘Tu ôl i Ddrysau Agored’ yn Oriel Myrddin 15/03/19 – 23/03/19. Rwy’n rhoi sicrwydd nad yw’n cynnwys deunydd sy’n tramgwyddo, mae’n addas ar gyfer cynulleidfa deuluol ac nid yw’n torri unrhyw hawlfraint drwy ei sgrinio mewn man cyhoeddus.

Diolch i chi ac edrychwn ymlaen at gael eich ffilmiau.

Invisible Cities gan Italo Calvino

Dydd Iau 7 Mawrth 2019 6 – 7:30 pm

Mynediad am ddim, nid oes angen archebu lle, darperir te a chacen

Ochr yn ochr â’n harddangosfa Prosiect Adeiladu byddwn ni’n darllen Invisible Cities gan Italo Calvino, a ddewiswyd yn arbennig i ni gan bractis pensaernïol yng Nghaerfyrddin, Rural Office for Architecture.

Ymunwch â ni ar gyfer trafodaeth anffurfiol a chyfeillgar yng nghwmni Kirsten Hinks-Knight.

” (Invisible Cities)The most beautiful of his books throws up ideas, allusions, and breathtaking imaginative insights on almost every page. Each time he returns from his travels, Marco Polo is invited by Kublai Khan to describe the cities he has visited. Although he makes Marco Polo summon up many cities for the Khan’s imagination to feed on, Calvino is describing only one city in this book. Venice, that decaying heap of incomparable splendour, still stands as substantial evidence of man’s ability to create something perfect out of chaos.” Paul Bailey – Times Literary Supplement

Mae chwech o bobl greadigol ac artistiaid gwahanol iawn wedi cael eu dewis i dreulio un diwrnod yr un yn Oriel Myrddin er mwyn ystyried ac ymateb i syniadau ac estheteg ein harddangosfa bresennol Y Prosiect Adeiladu. Dewch i’r oriel i weld beth mae pob artist yn ei wneud yno.

Niall Maxwell / Dydd Llun 11 Mawrth 2019  10am – 4pm

Niall Maxwell yw sylfaenydd a phennaeth Rural Office for Architecture, sef practis pensaernïol siartredig RIBA sydd wedi ennill gwobrau ac a leolir yng Nghaerfyrddin, Cymru.

Mae’r practis wedi ennill nifer o wobrau ers cael ei sefydlu yn 2008.  Yn fwyaf diweddar, enillodd wobr Tŷ y Flwyddyn RIBA 2017 a derbyniodd Wobr Genedlaethol RIBA am ei Ystâd Carbon Niwtral, Caring Wood yng Nghaint – datblygiad sydd wedi torri tir newydd. Roedd Niall yn aelod o banel beirniadol 2018 ar gyfer Tŷ y Flwyddyn, fel y dangoswyd ar Grand Designs.

Yn ddiweddar cafodd Rural Office for Architecture ei ddewis gan y Sefydliad Pensaernïaeth fel un o’r practisau datblygol gorau yn y DU a chafodd ei gynnwys gan Rowan Moore yn yr Observer fel un o’r practisau bach gorau yn y DU.

Yn 2015, gwnaeth y cwmni ennill cystadleuaeth “Self Build on a Shoestring” Grand Designs ac mae’n parhau i ennill cystadlaethau a’r un ddiweddaraf i’r cwmni ei hennill yw Hafanau Epig Croeso Cymru a gafodd ei dangos ar Sianel 4 yn 2017.

I gyd-daro â’r Prosiect Adeiladu, mae Niall wedi dewis llyfr y Clwb Llyfrau ar gyfer y mis hwn – ‘Invisible Cities’ gan Italo Calvino. Mae’r llyfr ar ffurf sgwrs rhwng dau gymeriad sy’n disgrifio profiadau o deithiau i ddinasoedd dychmygol. Caiff y rhain eu disgrifio mewn cerddi prôs byr, 55 dinas ffuglennol i gyd, sy’n mynd â’r darllenwr ar daith wrth ddadadeiladu ffurf glasurol nofel deithio.“Cities, like dreams, are made of desires and fears, even if the thread of their discourse is secret, their rules are absurd, their perspectives deceitful, and everything conceals something else.” 

Bydd Niall a stiwdio’r Rural Office for Architecture yn defnyddio eu diwrnod yn yr oriel i gyfrannu at yr arddangosfa gyfunol, ac ail-gyflunio ei ffurf i adlewyrchu un o’r ‘dinasoedd’ a ddisgrifir yng ngherddi prôs Calvino. I gyd-fynd â hyn cyflwynir rhyddiaith byr tebyg yn disgrifio lleoedd a mannau trwy eiriau yn hytrach na darluniau. Rhyddiaith ar ddehongli’r haniaethol neu’r ffuglennol.

 

Gyda diolch i Will Judge a’r Rural Office for Architecture am gael defnyddio eu delweddau.

________________________________________________________________________________________________________________________________________________________________________________________________________________________

Amanda Blake – Dydd Sadwrn 2 Chwefror
David Jones – Dydd Sadwrn 9 Chwefror
Millie Marotta – Dydd Sadwrn 16 Chwefor
Tim Stokes – Dydd Sadwrn 23 Chwefror
Ivan Black – Dydd Mercher 6 Mawrth
Niall Maxwell (Rural Office for Architecture) – Dydd Llun 11 Mawrth

 

Prosiectau Oddi ar y Safle

O gwmpas y lle

Digwyddiadau Arbennig

Coed Hynaf

Cofrestrwch ar gyfer y newyddion diweddaraf